احلى قصيده خيانه سمعتها في حياتي..

ياللي زعلت ازعل و لاني مراضيك
اشرب قدر ماي البحر جانها ارضاك
لا تحسبني عقب صدك بداريك
بعز نفسي عنك مدراك مدراك
اربع سنين وانا متحمل تغليك
راضي بتعذيبك لجل قلب اغلاك
وخليتني و اليوم و الله لخليك
وادوس قلبي لينه يقول خلاك
جانك تتحداني انا اقبل تحديك
وانسى الغرام اللي مضى و اتحداك
ماني بقايل لك عسى الله يهنيك
الله يحرمك كل ما كان هناك
عسى العمى يا خاين العهد يعميك
فوق الغرور اللي عن الماضي اعماك
عساك ما تسمع صوت قريب يناديك
حيثك تجاهلت صوت محروم ناداك
وعسى الشلل يعوق رجل تمشيك
لينك تتندم ليش غيرت ممشاك
عسى الليالي اللي تجيني بطاريك
يصبح عليها الصبح و تموت طرياك
و عسى المنام و كل راحه تجافيك
و امك تشق الثوب من عظم بلواك
ولي مت جعلك في جهنم تصاليك
نار الجحيم و نار دنياك تصلاك
الله يكره فيك كل دوانيك
غشاش خاين ومن..؟! من الناس داناك
روح عسى الله يجازيك
امسك و يومك و عقب الغد يجزاك

وسلامتكم

يسلمووو اخوي عالقصيده ...

اللهـ يسلمج

وثاااااانكس على المرور ,,