قصص طريفة للبنات في ليلة زواجهم

السلام عليكم ورحمة الله وبركاته
وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!

****************************

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه . . يوم توقظت لقيت اني اضرب زوجي !!

****************************

_هذي وحدةانخطبت وطبعا جاء العريس ووالده لاهل البنت عشان يتفقون على لوازم الفرح والذي منه ..المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك .. مادرت البنت الا وهي مدفوعه من الباب .. وطاحت على وجهها قدام العريس !!

***********************

وحدة راحت تزور صديقتها زيارة عاديه وكانت متزينه وكاشخه وصديقتها كانت متفقه مع اخوها انه يشوفها نظرة بسيطه عشان يبغى يخطبها وبدون علم البنت المهم وصلت البنت وسلمت على صديقتها وجلست وكانت صديقتها حاطهسلة حلويات على الطاوله وراحت تجيب العصير اخو البنت كان يطلع البنت بدون ماتدري والمسكينه بعد ماراحت صديقتها عجبتها الحلويات اخذت في يدها وحطته بالشنطه لاخوانها بعد ماترجع بدون ماتدري صديقتها بعد مارجعت صديقتها تصرفت عادي وأول ماطلعت البنت سالت اخوها وش رايك في البنت تدرووووون ايش قال .....................
ابغاها (يحليلها شالت الحلويات ) تتوقعون ايش راح يكون موقفها لما يذكرها بعد الزواج.